एस. एम. जोशी कॉलेजच्या श्वेता सोनकांबळे हिचे वक्तृत्व स्पर्धेत उत्तेजनार्थ पारितोषिक
डॉ.अतुल चौरे : हडपसर
प्रतिनिधी | १५ फेब्रुवारी | हडपसर, पुणे
रयत शिक्षण संस्थेचे, एस. एम. जोशी कॉलेज, हडपसर येथील श्वेता सोनकांबळे या विद्यार्थिनीने ‘केशवराव जेधे स्मृती करंडक’ खुली वक्तृत्व स्पर्धामध्ये उत्तेजनार्थ पारितोषिक पटकावून महाविद्यालयाचा गौरव वाढविला आहे.
या उल्लेखनीय यशामुळे महाविद्यालयाच्या सांस्कृतिक क्षेत्रातील लौकिकात भर पडली आहे. श्वेता सोनकांबळे हिने सातत्यपूर्ण सराव, प्रखर मेहनत आणि जिद्दीच्या बळावर हे यश संपादन केले. तिच्या प्रभावी मांडणी, शैली, स्पष्ट विचार आणि आत्मविश्वासपूर्ण सादरीकरणामुळे परीक्षकांचे लक्ष वेधले गेले.
या यशाबद्दल महाविद्यालयाचे प्राचार्य प्रो. डॉ. एकनाथ मुंढे यांनी श्वेताचे अभिनंदन करून तिच्या पुढील वाटचालीसाठी शुभेच्छा दिल्या. तसेच महाविद्यालयाच्या सांस्कृतिक विभागप्रमुख डॉ. मृणालिनी आहेर यांनी तिला स्पर्धेसाठी आवश्यक प्रशिक्षण व मार्गदर्शन केले. त्यांच्या योग्य मार्गदर्शनामुळेच हे यश शक्य झाल्याचे मत व्यक्त करण्यात आले. श्वेताच्या या यशामुळे इतर विद्यार्थ्यांनाही प्रेरणा मिळाली असून महाविद्यालयात आनंदाचे वातावरण निर्माण झाले आहे.
✍🏻मुख्य संपादक – सुभाष कदम
