एस. एम. जोशी कॉलेजमध्ये ‘जॉब फेअर २०२५–२६’चे आयोजन
डॉ.अतुल चौरे : हडपसर
दि. १३ मार्च २०२६ | हडपसर, पुणे
रयत शिक्षण संस्थेचे, एस. एम. जोशी महाविद्यालय, हडपसर, पुणे आणि निर्माण ऑर्गनायझेशन तसेच बार्कलेज यांच्या संयुक्त विद्यमाने ‘जॉब फेअर २०२५–२६’ चे आयोजन करण्यात आले आहे. या कार्यक्रमाचा उद्घाटन समारंभ शनिवार, दिनांक १४ मार्च २०२६ रोजी सकाळी १०.०० वाजता महाविद्यालयाच्या इनडोअर स्टेडियममध्ये संपन्न होणार आहे.
या कार्यक्रमाचे प्रमुख पाहुणे म्हणून सौरभ काकडे (सेंटर प्लेसमेंट मॅनेजर, निर्माण ऑर्गनायझेशन), आशिष हिवाळे (सॉफ्ट स्किल ट्रेनर, निर्माण ऑर्गनायझेशन), संतोष स्वामी (एलीऑस मॅनेजमेंट, बार्कलेज) आणि डॉ.कलोल बोस (सॉफ्ट स्किल ट्रेनर, एलीऑस मॅनेजमेंट, बार्कलेज) उपस्थित राहणार आहेत. उद्घाटन समारंभाच्या अध्यक्षस्थानी महाविद्यालयाचे प्राचार्य प्रा. (डॉ.) एकनाथ मुंढे हे असतील. तसेच कार्यक्रमास सन्माननीय उपस्थिती म्हणून महाविद्यालय विकास समितीचे चेअरमन आमदार चेतन (दादा) तुपे, तसेच सदस्य दिलीप (आबा) तुपे आणि अमर हरिदास तुपे उपस्थित राहणार आहेत.
या उपक्रमाच्या माध्यमातून विद्यार्थ्यांना रोजगाराच्या संधी उपलब्ध करून देणे, त्यांच्या कौशल्यांनुसार योग्य नोकरी मिळवून देणे तसेच करिअर मार्गदर्शन करणे हे या उपक्रमाचे मुख्य उद्दिष्ट आहे.
या उपक्रमाचे समन्वयक म्हणून प्रा.संजय अहिवळे आणि प्लेसमेंट ऑफिसर डॉ. संगीता यादव, तसेच प्रा.(डॉ.) किशोर काकडे आणि प्रा.(डॉ.) दिनकर मुरकुटे कार्यरत असून संपूर्ण आयोजन महाविद्यालयाचे प्राचार्य प्रा.(डॉ.) एकनाथ मुंढे यांच्या मार्गदर्शनाखाली करण्यात आले आहे. या उद्घाटन समारंभास शिक्षक, विद्यार्थी तसेच माजी विद्यार्थ्यांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.
✍🏻मुख्य संपादक – सुभाष कदम
