एस. एम. जोशी कॉलेजमधील सुरज सरोज याची अखिल भारतीय आंतर विद्यापीठ शरीरसौष्ठव स्पर्धेसाठी निवड
डॉ. अतुल चौरे : हडपसर
प्रतिनिधी | १४ फेब्रुवारी | हडपसर, पुणे
रयत शिक्षण संस्थेचे एस. एम. जोशी कॉलेजमधील विद्यार्थी सुरज सरोज याची अखिल भारतीय आंतर विद्यापीठ शरीरसौष्ठव स्पर्धेसाठी निवड झाली आहे. ही स्पर्धा आंध्र प्रदेशातील विशाखापट्टणम येथे आयोजित करण्यात येणार आहे. या उल्लेखनीय यशामुळे महाविद्यालयाच्या क्रीडा क्षेत्रातील लौकिकात भर पडली आहे.
सुरज सरोज याने सातत्यपूर्ण सराव, मेहनत आणि जिद्दीच्या बळावर हे यश संपादन केले आहे. त्याच्या या निवडीबद्दल महाविद्यालयाचे प्राचार्य प्रो. डॉ. एकनाथ मुंढे यांनी त्याचे अभिनंदन करून पुढील वाटचालीसाठी शुभेच्छा दिल्या.
महाविद्यालयाचे शारीरिक शिक्षण संचालक प्रा. दत्ता वासावे यांनी त्याला योग्य प्रशिक्षण व मार्गदर्शन दिले. तसेच त्याच्या या यशाबद्दल IQAC समन्वयक प्रा. संजय अहिवळे, प्रा. किसन पठाडे, डॉ. विलास कांबळे व प्रा. गणेश जाधव, प्रा. करण पवार यांनी अभिनंदन करून पुढील स्पर्धेसाठी शुभेच्छा व्यक्त केल्या. सुरज सरोजच्या या यशामुळे महाविद्यालयातील इतर विद्यार्थ्यांनाही क्रीडा क्षेत्रात प्रगती करण्याची प्रेरणा मिळणार आहे.
✍🏻मुख्य संपादक – सुभाष कदम
