दौंड – आलेगाव कदम वस्ती येथे अखंड हरिनाम सप्ताहाचे आयोजन वर्षे २१ वे
रविवार दि. 3 /८ / २०२५ ते गुरुवार दि. ७ /८ / २० २५ या कालावधीत करण्यात आले आहे.
सोमवार दि. ४ /८ 1/ २०२५ रोजी ह.भ.प. हरिश्चंद्र महाराज कदम यांनी सेवेसाठी निवडलेला अभंग – देवे दिला देह भजना गोमटा | तो या झाला फाटा बाधिकेचा ॥ १ l| ताठोनियां मान राहिली वरती l अहंकारा हाती लवो नेदी ॥ २॥ दास म्हणावया न वळे रसना l स्वैर वचना वासे गळा ॥
या अभंगावरती निरोपण देताना महाराज म्हणाले की, परमेशवराने माणसाला दिलेला देह हा परमेश्वराचे भजन, किर्तन व अहंकार विरहित परोपकारा साठी दिलेला आहे. मात्र माणसाला अहंकाराची बाधा झाल्यामुळे मानव देवाला विसरलेला आहे. अहंकारामुळे कोणाकोणाचे नुकसान झाले याचे दृष्टांत देऊन पटवून दिले.
मानव प्राणी सोडून अन्य कोणत्याच सजीवाकडे अहंकार नाही. मानव हा स्वतःला कोणाचाच दास म्हणायला तयार होत नाही. माणसाला मुख दिले ते भजनासाठी, कान दिले ते श्रवणासाठी,डोळे दिले ते देवाचे सुंदर रुप पहाण्यासाठी,हात दिले ते दान धर्मासाठी, पाय दिले ते तीर्थयात्रेसाठी मात्र हे सर्व विसरून मानव संसारात अडकून पडल्याने तो नको त्या वाईट कर्माकडे,गोष्टींकडे आकर्षित झालेला आहे. त्यामुळे त्याच्या जीवनात सतत दुःखाचे प्रसंग आलेले पहायला मिळतात.
शेवटी महाराज म्हणाले की, मानसाने आपल्या जीवनाचा शेवट चांगला व्हावा म्हणून सत्कर्म, दानधर्म,पुण्यकर्म करून पुण्याईचा साठा वाढवून मोक्षाची प्राप्ती करून घेतली पाहिजे.
या अखंड हरिनाम सप्ताहाचे आयोजन समस्त ग्रामस्थ आलेगाव,कदम वस्ती, काळेवस्ती, धुमाळवस्ती,जाधव वस्ती, भोसले वस्ती व परिसरातील भजनीमंडळ, मृदंगाचार्य, टाळकरी, विणेकरी, गायक, वादक, हार्मोनियम वादक,अन्न दाते, व सर्व सेवेकरी यांच्या संयुक्त विद्यमाने करण्यात आलेले असून अखंड हरिनाम सप्ताहाचे हे २१ वे वर्ष आहे.
या सप्ताहामध्ये ग्रंथराज झानेश्वरी पारायण सोहळा, काकडा आरती, गाथा भजन,हरिपाठ, व रात्री ८ ते ११ हरिकिर्तन व रात्री जागराचा कार्यकम असे नियोजन करण्यात आले असून व्यासपीठ चालक ह.भ.प. संभाजी महाराज काळे काम पहात आहेत.
पहिल दिवस ह.भ.प. यशवंत महाराज कदम, दुसरा दिवस ह.भ.प. हरिश्चंद महाराज कदम तिसरा दिवस ह.भ.प. किशोर महाराज लडकत, चौथा दिवस ह.भ.प. देवराम महाराज गायकवाड, तर काल्याचे किर्तन ह.भ.प काका महराज पहाणे यांचे होणार आहे. तर काल्याच्या प्रसादाचे अन्न दाते ह.भ.प. आप्पासाहेब काशिनाथ कदम व
कै.सखाराम चंद्रकांत कदम यांच्या स्मरणार्थ संकेत व अनिकेत कदम यांच्या तर्फे नियोजन करण्यात आले आहे. या सप्ताहातील किर्तन सेवेचा आस्वाद घेण्यासाठी मोठ्या संखेने परिसरातील महिला, पुरुष व तरुण भाविक उपस्थित असतात.
दौंड तालुका प्रतिनिधी सुभाष कदम
✍🏻मुख्य संपादक – सुभाष कदम
