देऊळगावराजे येथे हृदयरोग, रक्तदाब व साखर तपासणी शिबिर उत्साहात संपन्न
समर्थ न्यूज : नेटवर्क
मुख्यमंत्री समृद्ध पंचायत राज अभियान अंतर्गत महालक्ष्मी मल्टी स्पेशालिटी हॉस्पिटल दौंड, ग्रामपंचायत देऊळगावराजे आणि प्राथमिक आरोग्य केंद्र देऊळगावराजे यांच्या संयुक्त विद्यमाने हृदयरोग, रक्तदाब व साखर तपासणीचे विशेष शिबिर उत्साहात पार पडले.
या शिबिरास दौंडचे ख्यातनाम हृदयरोग तज्ञ डॉ. डी. एस. लोणकर यांची प्रमुख उपस्थिती लाभली.
या शिबिरात 150 हून अधिक रुग्णांची तपासणी करण्यात आली. रुग्णांना आवश्यक मार्गदर्शन, औषधोपचार व पुढील उपचाराबाबत सल्ला देण्यात आला.
शिबीर यशस्वी करण्यासाठी डॉ. राजेश दाते, वैद्यकीय अधिकारी डॉ. अविनाश अल्लमवार, डॉ. संजय वाघमोरे, डॉ. वैभव सातव यांनी सहकार्य केले. तसेच ग्रामपंचायत अधिकारी श्री. अमीर शेख यांनी समन्वयाची जबाबदारी पार पाडली.
शिबिरास श्री. वासुदेव काळे, श्री. हरिभाऊ ठोंबरे, श्री. दादासाहेब गिरमकर, श्री. नारायण गिरमकर यांनी भेट देऊन पाहणी केली.
या उपक्रमात प्राथमिक आरोग्य केंद्रातील सर्व कर्मचारी व आशा सेविका यांनी विशेष परिश्रम घेतल्याचे ग्रामपंचायतच्या वतीने सांगण्यात आले.
✍🏻मुख्य संपादक – सुभाष कदम
