श्री समर्थ समर्थ न्यूज २4
मुख्य संपादक श्री. सुभाष कदम
दौंड – पाटस – दौंड सिद्धटेक अष्टविनायक मार्गालगत गिरीम येथील हॉटेल जगदंबा व्हेज नॉनव्हेज राशीन गावची स्पेशल मटण थाळी शाखा नं. 2 . हॉटेलमध्ये घरगुती वापराच्या गॅस सिलेंडरचा भयानक स्फोट होऊन एकूण ९ जणांची प्रकृती गंभीर असून पैकी ६ जणांना पुणे येथील ससून रुग्णालयात उपचारासाठी पाठविले असून 3 जणांवर दौंड येथील खाजगी रुग्णालयात उपचार सुरू असल्याची माहिती दौंड पोलीस स्टेशनचे पोलीस निरीक्षक गोपाळ पवार यांनी दिली.
हॉटेल जगदंबा हे स्थानिक शेतकर्याच्या जागेत असून त्याचा चालक किरणआबा सौताडे हा असून तो राशीन येथील रहिवाशी आहे. हॉटेल जगदंबा मधील स्फोटाची खबर मिळताच दौंड पोलीस स्टेशनचे पोलीस निरीक्षक गोपाळ यांच्या मार्गदर्शना खाली पोलीस कर्मचारी,3 अग्निशन दलाच्या गाड्या तातडीने घटनास्थळी पोहचल्याने हॉटेलला लागलेली भयानक आग आटोक्यात आणली गेली.
याप्रसंगी घटना स्थळाचा पंचनामा करून ताब्यात घेतलेला २२ गॅस सिलेंडरच्या टाक्या दोन खाजगी छोट्या हत्तीमधून हालविण्यात आल्या. मात्र या दोन्ही गाड्यांना नंबर प्लेटच नव्हत्या. म्हणजे एकदंरीत गॅसच्या २२ टाक्यांपैकी 13 गॅसच्या टाक्या ह्या घरगुती वापराच्या तर ९ टाक्या ह्या व्यावसायीक वापराच्याअसून त्या वाहून नेण्यासाठी वापरलेले दोन्ही छोटे हत्ती ( गाड्या ) ह्या सुद्धा बेकायदेशीर व 13 गॅसच्या टाक्याही बेकायदेशीर असल्याची तसेच हॉटेलचा मूळ मालक व सध्याचा हॉटेल चालक यांचा करार कायदेशीर की बेकायदेशीर अशी चर्चा परिसरातील उपस्थित ग्रामस्यांमध्ये सुरू आहे.
घटनेचा पुढील तपास दौंड पोलीस स्टेशनचे पोलीस निरीक्षक गोपाळ पवार यांच्या मार्गशनाखाली पोलीस कर्मचारी करीत आहेत.
श्री समर्थ समर्थ न्यूज २4
मुख्य संपादक श्री. सुभाष कदम
✍🏻मुख्य संपादक – सुभाष कदम
