एक हात मदतीचा या उपक्रमाला उत्स्फूर्त प्रतिसाद, सामाजिक कार्यकर्ते अमर परदेशी यांचा पुढाकार
आमदार राहुल कुल यांच्या वाढदिवसानिमित्त पूरग्रस्तांसाठी सामाजिक जाणीव जपत स्तुत्य उपक्रम
दौंड : प्रतिनिधी :
एक हात मदतीचा या पूरग्रस्तांसाठी सुरू केलेल्या उपक्रमाला दौंडच्या पूर्व भागातून उत्स्फूर्त प्रतिसाद मिळत आहे, सामाजिक कार्यकर्ते अमर परदेशी यांनी आमदार राहुल कुल यांच्या वाढदिवसाचे औचित्य साधून दौंडच्या पूर्व भागातील 15 गावांमधून मराठवाड्यातील पूरग्रस्तांसाठी एक हात मदतीचा उपक्रम सुरू केला आहे,अमर परदेशी सामाजिक कार्यात नेहमीच अग्रेसर असतात,त्यांना युवा वर्ग,जेष्ठ वर्ग,महिला वर्ग कमालीचा प्रतिसाद देत राहतो,महिलांच्या सन्मानासाठी होम मिनिस्टर कार्यक्रमाचे आयोजन करून, कार्यक्रमात मदतीचे आवाहन केले जात आहे, याची सुरुवात बोरिबेल गावातून केली यावेळी माजी सरपंच नंदकिशोर पाचपुते यांनी पाच पोती साखर,तसेच गावातील ग्रामस्थांनी मदतीच्या पेटीत आर्थिक मदत केली, सदर उपक्रम बोरिबेल, वाटलूज,मलठण,खोरोवडी,देऊळगाव राजे,वडगांव दरेकर, पेडगाव, हिंगणी बेर्डी, शिरापूर,आलेगाव,काळेवाडी,लोणारवाडी,खडकी,राजेगाव,स्वामी चिंचोली, खानोटा या गावात राबविण्यात येणार आहे.होम मिनिस्टर कार्यक्रमाचे सादरकर्ते सुप्रसिद्ध निवेदक प्रा.दिनेश पवार व सुप्रसिद्ध निवेदक नितिन देसाई आहेत.
अमर परदेशी यांच्या मातोश्री मलठण गावच्या सरपंच आहेत त्यांनी स्वतः दोन वर्षाचे मानधन पूरग्रस्तांसाठी दिलेले आहे,या उपक्रमाला परिसरातून उत्स्फूर्तपणे प्रतिसाद मिळत असून,अमर परदेशी यांचे कौतुक होत आहे
आमदार राहुल कुल यांच्या मार्गदर्शनाखाली दौंडच्या पूर्व भागात सामाजिक बांधिलकी जपत भरीव अशी कामगिरी करण्याचा मानस अमर परदेशी यांनी व्यक्त केला असून,महत्वाचे प्रश्न,उपक्रम सर्वांच्या सहकार्याने मार्गी लावणार असल्याचे यावेळी त्यांनी सांगितले
✍🏻मुख्य संपादक – सुभाष कदम
