एस. एम. जोशी कॉलेज व प्रागतिक इतिहास संस्था यांच्यात सामंजस्य करार
डॉ.अतुल चौरे : हडपसर
प्रतिनिधी / दि. १७ मार्च २०२६ / हडपसर :
रयत शिक्षण संस्थेचे एस. एम. जोशी महाविद्यालय, हडपसर येथील इतिहास विभाग आणि प्रागतिक इतिहास संस्था, महाराष्ट्र यांच्यात दि. ७ मार्च २०२६ रोजी पाच वर्षांसाठी सामंजस्य करार (MoU) करण्यात आला. या कराराच्या माध्यमातून इतिहास विषयाशी संबंधित विविध शैक्षणिक, संशोधनात्मक व अभ्यासपूरक उपक्रम महाविद्यालयात राबविण्यात येणार आहेत.
या प्रसंगी प्रागतिक इतिहास संस्थेचे सचिव प्रा. जगदीश सोनवणे, प्रा. (डॉ.) उमेश बगाडे, प्रा. (डॉ.) बी. एस. वाघमारे, डॉ. प्रवीण सप्तर्षी, प्राचार्य प्रा. (डॉ.) संजय नगरकर तसेच इतिहास विभागप्रमुख प्रा. (डॉ.) दिनकर मुरकुटे उपस्थित होते.
या सामंजस्य करारामुळे इतिहास विषयाच्या अभ्यासाला अधिक चालना मिळणार असून विविध व्याख्याने, कार्यशाळा, अभ्यास सहली, संशोधन प्रकल्प तसेच विद्यार्थी आणि प्राध्यापकांसाठी विविध शैक्षणिक उपक्रम आयोजित केले जाणार आहेत. या उपक्रमांचा लाभ विद्यार्थी, संशोधक आणि प्राध्यापकांना होणार असून, महाविद्यालयातील इतिहास विभागाच्या माध्यमातून विविध उपक्रम प्राचार्य प्रा. (डॉ.) एकनाथ मुंढे यांच्या मार्गदर्शनाखाली राबविण्यात येणार असल्याचेही असल्याचे मत इतिहास विभागप्रमुख प्रा. (डॉ.) दिनकर मुरकुटे यांनी व्यक्त केले.
✍🏻मुख्य संपादक – सुभाष कदम
