एस. एम. जोशी कॉलेजमध्ये स्वामी विवेकानंद जयंतीनिमित्त राष्ट्रीय युवा दिन साजरा
डॉ.अतुल चौरे : हडपसर
प्रतिनिधी, दि. १२ जानेवारी २०२६
रयत शिक्षण संस्थेचे, एस. एम. जोशी कॉलेज हडपसर येथे स्वामी विवेकानंद जयंतीनिमित्त राष्ट्रीय युवा दिन उत्साहात साजरा करण्यात आला. तसेच राजमाता जिजाऊ यांच्या जयंतीच्या निमित्ताने प्रतिमा पूजन करण्यात आले. युवा दिनाचे प्रमुख पाहुणे म्हणून भूगोल विभागप्रमुख व उपप्राचार्य डॉ. संजय जगताप यांनी राष्ट्रीय सेवा योजना (NSS) विद्यार्थ्यांना “युवा आणि समाजपरिवर्तन” या विषयावर मार्गदर्शन करताना युवकांनी समाजबांधणी आणि राष्ट्रनिर्मितीत सक्रिय सहभाग घ्यावा, असे आवाहन केले.
कार्यक्रमास महाविद्यालयाचे प्र. प्राचार्य प्रो. डॉ. एकनाथ मुंढे उपस्थित होते. त्यांच्या मार्गदर्शनाखाली उपक्रम पार पडला.
कार्यक्रमाच्या अध्यक्षीय भाषणात इतिहास विभागप्रमुख व उपप्राचार्य प्रो. डॉ. दिनकर मुरकुटे यांनी विवेकानंदांचे विचार आजच्या तरुणांसाठी प्रेरणादायी असल्याचे सांगितले.
यावेळी राष्ट्रीय सेवा योजना समितीचे सदस्य डॉ. राजकुमार हंगारगे, डॉ. अतुल चौरे, डॉ. छाया सकटे, ग्रंथपाल शोभा कोरडे तसेच राष्ट्रीय सेवा योजनेचे स्वयंसेवक मोठ्या संख्येने उपस्थित होते.
कार्यक्रमाचे प्रास्ताविक, पाहुण्यांची ओळख आणि सूत्रसंचालन डॉ. ज्योती किरवे यांनी केले. तर आभार प्रदर्शन डॉ. छाया सकटे यांनी मानले.
✍🏻मुख्य संपादक – सुभाष कदम
