नवतरुणांनी जिद्दीने प्रयत्न केल्यास यश शक्य – पोलीस निरीक्षक गोपाळ पवार
दौंड : प्रतिनिधी :
आजच्या नवतरुणांनी योग्य नियोजन करून जिद्दीने सातत्यपूर्ण प्रयत्न केल्यास यश मिळू शकते,पोलीस क्षेत्रात उच्च शिक्षित तरुणांना वाव आहे,करिअर करण्याची ,प्रसिद्धी मिळवण्यासाठी भरपूर संधी असल्याचे मत दौंड पोलीस स्टेशनचे पोलीस निरीक्षक गोपाळ पवार यांनी सर्वज्ञ करिअर अकॅडमी दौंड येथे व्यक्त केले.तसेच तरुणांनी पोलीस भरतीची तयारी करत असताना प्रत्येक घटक पूर्णपणे अभ्यासणे गरजेचे आहे तसेच सातत्याने प्रयत्न केल्यास यश लवकर मिळत असल्याचे मत पोलीस उपनिरीक्षक सुनील उगले यांनी व्यक्त केले,विद्यार्थ्यांना विशेष मार्गदर्शन सत्राचे आयोजन सर्वज्ञ करिअर अकॅडमी दौंड येथे करण्यात आले होते.
यावेळी दौंड पोलीस स्टेशनचे पोलीस निरीक्षक गोपाळ पवार, पोलीस उपनिरीक्षक सुनील उगले,सहाय्यक पोलीस उपनिरीक्षक पांडुरंग थोरात, निखिल जाधव,अकॅडमी चे संचालक सागर गावडे,प्रतीक्षा गावडे,प्रा.दिनेश पवार,रोहन चांदणे,विशाल मोरे उपस्थित होते.
तरुणांना बदलत्या काळात अभ्यास करण्यासाठी,सराव करण्यासाठी आधुनिक सुविधायुक्त सर्वज्ञ अकॅडमी दौंड सारख्या शहरात यशस्वीपणे सुरू असल्याने दौंडच्या विकासात एक अनमोल बदल होत असल्याचे मत यावेळी दोन्ही मान्यवरांच्या विचारातून व्यक्त झाले,सर्वज्ञ अकॅडमी ची आधुनिक अभ्यासिका, तज्ञ,उच्च शिक्षित अनुभवी मार्गदर्शक,उत्कृष्ट मैदानी प्रशिक्षक,दररोज होणारी शेड्युल अभ्यास टेस्ट,आठवड्यातील सराव चाचणी, वेळोवेळी होणारे मैदानी डेमो,निसर्गरम्य शांत वातावरण या गोष्टी विद्यार्थ्यांच्या यशात महत्वपूर्ण भूमिका बजावत असल्याने विद्यार्थी यश लवकर संपादन करू शकतो हा आत्मविश्वास देखील पोलीस निरीक्षक गोपाळ पवार यांनी व्यक्त केला.
यावेळी सर्वज्ञ करिअर अकॅडमी चे संचालक सागर गावडे यांच्या हस्ते मान्यवरांचा सन्मान करण्यात आला,कार्यक्रमाचे सूत्रसंचालन प्रा.दिनेश पवार यांनी केले. यावेळी मोठ्या संख्येने विद्यार्थी उपस्थित होते.
✍🏻मुख्य संपादक – सुभाष कदम
