शरदचंद्रजी पवार यांच्या ८५ व्या वाढदिवसानिमित्त एस. एम. जोशी महाविद्यालयात विविध उपक्रम
डॉ.अतुल चौरे : हडपसर
प्रतिनिधी | हडपसर, पुणे | दि. १२ डिसेंबर २०२५
रयत शिक्षण संस्थेचे अध्यक्ष पद्मभूषण खासदार शरदचंद्रजी पवार यांच्या ८५ व्या वाढदिवसानिमित्त एस. एम. जोशी महाविद्यालयात विविध उपक्रमांचे आयोजन करण्यात आले. महाविद्यालयाचे प्राचार्य डॉ. सुरेश साळुंखे यांच्या मार्गदर्शनाखाली हे उपक्रम पार पडले.
कार्यक्रमांतर्गत वृक्षारोपण, निबंध लेखन, वक्तृत्व व काव्यलेखन स्पर्धा, मुलाखत व डॉक्युमेंटरी तसेच मार्गदर्शनपर व्याख्यानाचे आयोजन करण्यात आले. पवार साहेबांच्या कार्याचा सन्मान म्हणून वनस्पतीशास्त्र विभाग, राष्ट्रीय सेवा योजना (NSS) व राष्ट्रीय छात्र सेना (NCC) यांच्या संयुक्त विद्यमाने महाविद्यालय परिसरात ८५ वृक्षांची लागवड करण्यात आली.
कार्यक्रमाचे प्रास्ताविक डॉ. विलास कांबळे यांनी केले. सूत्रसंचालन डॉ. ज्योती किरवे यांनी तर आभारप्रदर्शन प्रा.राधाकिसन मुठे यांनी केले.
या प्रसंगी महाविद्यालयाचे उपप्राचार्य प्रो. डॉ. किशोर काकडे, IQAC समन्वयक प्रा. संजय अहिवळे, उपप्राचार्य प्रो. डॉ. दिनकर मुरकुटे, डॉ. सोपान आयनार, डॉ. रंजना जाधव, डॉ. मृणालिनी आहेर, डॉ. छाया सकटे, ग्रंथपाल शोभा कोरडे, प्रा. किसन पठाडे, प्रा. दत्ता वासावे, ऑफिस प्रमुख शेखर परदेशी, प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते. सर्व विद्यार्थ्यांनी कार्यक्रमास उत्स्फूर्त प्रतिसाद दिला.
✍🏻मुख्य संपादक – सुभाष कदम
